ஓ.யூ.பி. மையம் எனச் சுருக்கமாக அழைக்கப்படும் "ஓவர்சீஸ் யூனியன் வங்கி" மையம் சிங்கப்பூர் நகரில் உள்ள மிக உயரமான மூன்று கட்டிடங்களுள் ஒன்று. ஏனையவை, யூ.ஓ.பி பிளாசா ஒன்று, குடியரசு பிளாசா என்பனவாகும். 280 மீட்டர்கள் உயரமான இக் கட்டிடம், 1986 ஆம் ஆண்டில் கட்டி முடிக்கப்பட்டபோது வட அமெரிக்காவுக்கு வெளியில் இருந்த கட்டிடங்களில் உலகிலேயே மிகவும் உயரமான கட்டிடமாக இது இருந்தது. சீன வங்கிக் கட்டிடம் கட்டி முடிக்கப்படும்வரை இந்தப் பெருமையை இது தக்கவைத்திருந்தது. இக்கட்டிடம் நகரின் மையப்பகுதியில் உள்ள ராபிள்ஸ் இடத்தில் அமைந்துள்ளது.